உலகெங்கும் வாழும் தமிழ் உறவுகளே

கொரோனாவால் பல உலக நாடுகள் ஸ்தம்பித்திருக்கும் நிலையில், உலகம் எங்கும் வாழும் நம் தமிழ்க் குடும்பங்களின் சுட்டிகளும் வீட்டுக்குள்ளேயே முடங்கிக் கிடக்கும் சூழல் உருவாகியுள்ளது. இது ஒரு நீண்ட விடுமுறைதான் என்றாலும், மற்ற விடுமுறை நாள்களில் இருக்கும் சுதந்திரம் அவர்களுக்கு இதில் நிச்சயம் இல்லை. வீட்டிற்குள்ளேயே தங்களால் இயன்றதைச் செய்து வருகிறார்கள். இந்த வாய்ப்பினைப் பயன்படுத்தி அவர்களுக்கு இருக்கும் தனித்திறமைகளை நீங்கள் வெளியே கொண்டு வரலாமே? சுட்டீஸே சொல்லும் பொம்மைகளின் சுவாரஸ்யக் கதைகள், அவர்கள் செய்யும் அசத்தல் கிராஃப்ட், கதைகளை நடித்துக் காட்டும் வீடியோக்கள், அவர்கள் மிகவும் மிஸ் செய்யும் விஷயங்கள் பற்றிய வீடியோக்கள், ஓவியங்கள் என அனைத்தையும் அனுப்பலாம்